டாப்ஸ்லிப் பரம்பிக்குளம் சுற்றுலா

ஒரு மாற்றத்திற்காக செல்லும் சுற்றுலாவில், எந்த இடத்தை தேர்வு செய்வது என்பது ஒவ்வொருவரின் மனநிலையையும் விருப்பத்தையும் பொறுத்தது. சிலர் இயற்கையின் அமைதியையும் அழகையும் ரசிக்க விரும்புவார்கள். அதே நேரத்தில், சிலருக்கு இயற்கையுடன் சேர்த்து சாகச அனுபவமும் வேண்டும் என்ற விருப்பமும் இருக்கும். 🌿

“அமைதிக்காக செல்லும் சுற்றுலாவில் சாகசம் எதற்கு?” என்ற கேள்வி பலரிடமிருந்து எழலாம். ஆனால் வாழ்க்கை ஒரே முறை கிடைக்கும் என்பதால், நமக்கு பிடித்த விதத்தில் அதை அனுபவிப்பதில் எந்த தவறும் இல்லை.

உற்சாகத்துடன் சேர்த்து சிறு திகில் கலந்த அனுபவம் கிடைத்தால் அந்த பயணம் மேலும் நினைவாக மாறும். இயற்கையின் அழகையும் சாகசத்தின் திகிலையும் ஒரே இடத்தில் அனுபவிக்கக்கூடிய சுற்றுலா தலங்கள் மிகவும் குறைவு.

அப்படிப்பட்ட இடங்களில் ஒன்றாக கேரளாவில் உள்ள Parambikulam Tiger Reserve திகழ்கிறது.

Kerala மாநிலத்தில் அமைந்துள்ள இந்த இடம் இயற்கை வளங்களும் வனவிலங்குகளும் நிறைந்த பகுதியாக இருப்பதுடன், சாகசத்தை விரும்பும் சுற்றுலா பயணிகளுக்கான சிறந்த சுற்றுலாத்தளமாக கருதப்படுகிறது.

டாப் ஸ்லிப் வழியாக பரம்பிக்குளம் செல்லும் வழி

Topslip மற்றும் Parambikulam Tiger Reserve ஆகியவை இயற்கை மற்றும் வனவிலங்கு வளம் நிறைந்த முக்கியமான சுற்றுலா தலங்களாகும்.

இந்த இடத்திற்கு செல்ல பொதுவாக Coimbatore – Pollachi – Sethumadai வழியாக பயணம் மேற்கொள்ள வேண்டும்.

கோயம்புத்தூரிலிருந்து டாப் ஸ்லிப் சுமார் 78 கிலோமீட்டர் தொலைவில் உள்ளது.
பொள்ளாச்சியிலிருந்து டாப் ஸ்லிப் சுமார் 35 கிலோமீட்டர் தொலைவில் உள்ளது.

டாப் ஸ்லிப்பிற்குள் நுழைவதற்கு முன்பு வனத்துறையின் அனுமதி பெற வேண்டும். இதற்காக Sethumadai Checkpost பகுதியில் உள்ள சோதனைச் சாவடியில் அனுமதி சீட்டை வாங்கி அதன் பிறகு தான் உள்ளே செல்ல முடியும்.

Topslip பகுதியில் பல பசுமையான இயற்கை காட்சிகளும் சுற்றுலா இடங்களும் உள்ளன. இங்கிருந்து தான் Parambikulam Tiger Reserve பகுதிக்கு செல்ல வேண்டும்.

போக்குவரத்து வசதி

பரம்பிக்குளம் செல்ல பேருந்து வசதிகளும் உள்ளது.

முதலில் கோயம்புத்தூரிலிருந்து பொள்ளாச்சி வரை பேருந்தில் செல்ல வேண்டும்.
பின்னர் பொள்ளாச்சி – டாப் ஸ்லிப் – பரம்பிக்குளம் வழியாக செல்லலாம்.

இந்த பகுதியில் இருசக்கர வாகனங்களுக்கு அனுமதி இல்லை.
அதனால் கீழ்க்கண்ட வாகனங்களில் மட்டுமே செல்ல முடியும்:

கார் 🚗
ஜீப் 🚙
பேருந்து 🚌

மேலும் இந்த இடத்திற்கு செல்லும் பேருந்துகள் குறிப்பிட்ட நேரங்களில் மட்டுமே இயக்கப்படுகின்றன.

Day Trip – டாப் ஸ்லிப்

Topslip பகுதியை பொருத்தவரை சுற்றுலா பயணிகள் ஒரே நாளில் சென்று திரும்பக்கூடிய (Day Trip) பயணமாகவும் மேற்கொள்ளலாம். பொதுவாக ஒரே நாளில் சென்று வருவதற்கு தங்கும் அனுமதி தேவையில்லை.

டாப் ஸ்லிப்பில் ஒரு நாள் தங்கி அங்குள்ள இயற்கை அழகையும் வனவிலங்குகளையும் அமைதியாக ரசிக்கவும் முடியும். 🌿

இங்கு சுற்றுலா பயணிகள்

வேன் சபாரி (Van Safari) 🚙
ட்ரெக்கிங் (Trekking) 🚶‍♂️

போன்ற சாகச அனுபவங்களையும் மேற்கொள்ளலாம். இந்த சபாரி அல்லது ட்ரெக்கிங் நேரத்தில் காட்டிற்குள் சென்றால் பல அரிய வகை விலங்குகளையும் பறவைகளையும் பார்க்கும் வாய்ப்பு அதிகமாக இருக்கும். 🐘🦌

மேலும் Parambikulam Tiger Reserve பகுதியில் தங்க திட்டமிட்டால் முன்கூட்டியே வனத்துறையின் அனுமதி பெறுவது அவசியம். அனுமதி பெற்ற பிறகே அங்கு தங்கி முழுமையாக அந்த காட்டு சூழலை அனுபவிக்க முடியும். 🌄

கொழுக்குமலை சுற்றுலா

பரம்பிக்குளம் பற்றிய சில தகவல்கள்

Parambikulam Tiger Reserve என்ற பெயரை கேட்டவுடன் பலருக்கும் ஒரு சிறிய பயம் தோன்றும். அதற்குக் காரணமாக அங்குள்ள நுழைவுவாயிலின் வடிவமைப்பும் இருக்கலாம். புலி, சிறுத்தை போன்ற விலங்குகளின் உருவங்களை கற்களால் வடிவமைத்து அமைக்கப்பட்ட நுழைவாயில் சுற்றுலா பயணிகளுக்கு ஒரு வித்தியாசமான அனுபவத்தை அளிக்கிறது. 🐅

பரம்பிக்குளம் Kerala மாநிலத்தில் அமைந்துள்ள அடர்ந்த காட்டு மலைப்பகுதி ஆகும். கேரளா மாநிலத்திலிருந்து நேரடியாக தரை மார்க்கமாக செல்ல வழி இல்லாததால், பொதுவாக Pollachi நகரத்தை வழியாகவே இந்த இடத்தை அடைய வேண்டும். பொள்ளாச்சியிலிருந்து பரம்பிக்குளம் செல்ல சுமார் இரண்டு மணி நேர பயணம் மேற்கொள்ள வேண்டும்.

இந்த சுற்றுலாவிற்கு ஆன்லைன் முன்பதிவு செய்து வருவதற்கும் வசதி உள்ளது. பரம்பிக்குளத்தின் முக்கிய சோதனைச் சாவடி Aanappadi பகுதியில் அமைந்துள்ளது.

Parambikulam Tiger Reserve என்பது புலிகள் சரணாலயம் என்பதால் இது பாதுகாக்கப்பட்ட வனப்பகுதியாகும். காட்டுப் பகுதி என்பதால் இங்கு எளிதில் அனுமதி வழங்கப்படாது. சுற்றுலா பயணிகள் Kerala Forest Department மற்றும் Tamil Nadu Forest Department ஆகிய வனத்துறைகளின் அனுமதி பெற்றே உள்ளே செல்ல வேண்டும்.

தமிழக எல்லையை ஒட்டியுள்ள இந்த பரம்பிக்குளம் புலிகள் காப்பகம் தேசியப் பூங்கா, அரிய வகை வனவிலங்குகள், சிங்கவால் குரங்குகள், பல்வேறு பறவைகள் மற்றும் அரிய தாவரங்கள் நிறைந்த வளமான வனப்பகுதியாகும். அதனால் இந்த வனப்பகுதி மிகவும் அக்கறையுடன் பாதுகாக்கப்பட்டு பராமரிக்கப்பட்டு வருகிறது. 🌿

சுற்றுலாப் பயணிகள் கடுமையான சோதனைகள் மற்றும் கட்டுப்பாடுகளுக்குப் பிறகே உள்ளே அனுமதிக்கப்படுகிறார்கள். பரம்பிக்குளம் செல்ல சிறந்த காலம் அக்டோபர் முதல் மார்ச் வரை ஆகும்.

மேலும் இந்த பகுதியில்

பிளாஸ்டிக் பொருட்கள் பயன்படுத்துவது தடை 🚫
மதுபானங்களுக்கு அனுமதி இல்லை 🚫

போன்ற கட்டுப்பாடுகள் கடுமையாக அமல்படுத்தப்பட்டுள்ளன. இதன் மூலம் இயற்கை சூழலும் வனவிலங்குகளும் பாதுகாக்கப்படுகின்றன. 🌳🐘

பரம்பிக்குளம் தகவல் மையம்

Parambikulam Tiger Reserve பகுதியில் உள்ள சோதனைச் சாவடியில் அனுமதி பெற்ற பிறகு, சிறிது நேர பயணத்தில் நாம் Parambikulam Tourism Center என்ற தகவல் மையத்தை அடையலாம்.

இந்த தகவல் மையத்தின் நுழைவுவாயிலில் புலி கம்பீரமாக நடந்து வரும் தோற்றத்தில் வடிவமைக்கப்பட்ட சிற்பம் அமைக்கப்பட்டுள்ளது. அதை பார்க்கும் போது ஒரு வித புத்துணர்ச்சியும் சிறிய திகிலும் கலந்த உணர்வும் சுற்றுலா பயணிகளுக்கு ஏற்படும். 🐅

இந்த தகவல் மையத்தில்தான் சுற்றுலா பயணிகள்

ஜீப் சபாரி (Jeep Safari) 🚙
வேன் சபாரி (Van Safari) 🚐

போன்ற காட்டு சுற்றுப்பயணங்களுக்கு அனுமதி சீட்டு (டிக்கெட்) பெற்றுக்கொள்ள வேண்டும். குறிப்பாக வேன் சபாரிக்கு நுழைவு கட்டணம் வசூலிக்கப்படுகிறது.

இந்த சபாரி பயணத்தின் போது சுற்றுலா பயணிகளை காட்டிற்குள் சுமார் 30 கிலோமீட்டர் வரை அழைத்து சென்று அங்குள்ள இயற்கை அழகையும் வனவிலங்குகளையும் காணும் வாய்ப்பை வழங்குகின்றனர்.

மேலும், காடுகளில் வாழும் விலங்குகளுக்கு எந்த விதமான பாதிப்பும் ஏற்படாத வகையில் Kerala Forest Department இந்த சபாரி பயணங்களை மிகவும் பாதுகாப்பாகவும் ஒழுங்காகவும் ஏற்பாடு செய்து வருகிறது. 🌿🐘

பரம்பிக்குளம் Van Saffari:

காட்டில் உள்ள விலங்குகளையும், பறவைகளையும் மற்றும் பல நீர் தேக்க அணைகளையும் பார்க்க நாங்கள் தயாராகிவிட்டோம். நம்முடன் ஒரு ஓட்டுனரும், வழிகாட்டியாக (Guide) செயல்படும் ஒருவரும் சேர்ந்தே இந்த பயணம் நடைபெற்றது.

மாலை நேரத்தில் சபாரி செல்லும் போது தான் பெரும்பாலும் அங்குள்ள விலங்குகளை பார்க்கும் வாய்ப்பு அதிகமாக இருக்கும். Parambikulam Tiger Reserve பகுதியில் வேன் நகர ஆரம்பித்த உடனேயே மயில்கள் தோகையை விரித்து அழகாக ஆடும் காட்சி நம்மை கவர்ந்தது. 🦚

இன்றைய காலத்தில் இப்படிப்பட்ட இயற்கையான காட்சிகளை நேரில் பார்ப்பது உண்மையிலேயே ஒரு அதிசய அனுபவம் என்று சொல்லலாம்.

வேன் மெதுவாக அடர்ந்த காட்டிற்குள் நகரத் தொடங்கியது. சில நேரத்தில் மான்களின் கூட்டங்களை பார்க்கும் வாய்ப்பு கிடைத்தது. 🦌

அதனைத் தொடர்ந்து காட்டெருமை, காட்டு பன்றி, யானை போன்ற விலங்குகளையும் காண முடிந்தது. 🐘

இருப்பினும், இயற்கை சூழலில் விலங்குகளை அவற்றின் இயல்பான வாழ்விடத்தில் காணும் இந்த அனுபவம் மறக்க முடியாத ஒரு சுற்றுலா நினைவாக மனதில் பதிந்தது. 🌿

தூனக்கடவு நீர்த்தேக்கம்

Parambikulam Tiger Reserve பகுதியில் நடைபெறும் வேன் சபாரி பயணத்தின் போது சுமார் 30 கிலோமீட்டர் தூரத்தில் பல நீர்வீழ்ச்சிகளையும் நீர்த்தேக்கங்களையும் பார்க்க முடியும்.

அவற்றில் முதலில் நாம் காணக்கூடிய முக்கியமான இடம் Thunakkadavu Dam அல்லது தூனக்கடவு நீர்த்தேக்கம் ஆகும். 🌊

இந்த அணையைச் சுற்றியுள்ள பகுதிகளில் மலைவாழ் பழங்குடி மக்கள் வீடுகள் கட்டி வாழ்ந்து வருகின்றனர்.

இந்த சுற்றுலா மூலம் கிடைக்கும் வருமானத்தின் ஒரு பகுதி அங்குள்ள பழங்குடி மக்களின் கல்வி மற்றும் வாழ்க்கை முன்னேற்றத்திற்காக பயன்படுத்தப்படுகிறது.

மேலும், அந்த மக்களுக்கே சுற்றுலா வழிகாட்டிகளாக (Tourist Guides) பயிற்சி அளித்து வேலைவாய்ப்பும் வழங்கப்படுகிறது. இதனை Kerala Forest Department மேற்கொண்டு வருகிறது.

தூனக்கடவு நீர்த்தேக்கத்தை சுற்றி உயரமான மலைகள் சூழ்ந்துள்ளதால், இந்த பகுதி எப்போதும் பசுமை நிறைந்த அழகான காட்சியுடன் காணப்படும். 🌿

இங்கு குரங்குகளை அதிக அளவில் காண முடியும். 🐒
மேலும் இந்த இடத்திற்கு குறிப்பிட்ட நேரங்களில் பேருந்து வசதியும் உள்ளது. அந்த பேருந்துகளை மலைவாழ் மக்கள் அதிகமாக பயன்படுத்துகின்றனர்.

இயற்கை அமைதியுடனும் பசுமை சூழலுடனும் இருக்கும் இந்த தூனக்கடவு நீர்த்தேக்கம், சுற்றுலா பயணிகளுக்கு மனதிற்கு புத்துணர்ச்சி அளிக்கும் அழகான இடமாக திகழ்கிறது.

கன்னிமரா தேக்கு

Parambikulam Tiger Reserve பகுதியில் உள்ள அடர்ந்த காட்டில் அடுத்ததாக நாம் பார்க்கும் முக்கியமான இடம் Kannimara Teak ஆகும். 🌳

இங்கு பல நூறு ஆண்டுகள் பழமையான மிகப்பெரிய தேக்கு மரம் ஒன்று உள்ளது.

இந்த மரத்தின் பருமன் இவ்வளவு அதிகமாக இருப்பதால், சுமார் 10 பேர் கைகளை விரித்து சுற்றி நின்றால்தான் மரத்தை முழுவதும் சுற்றி பிடிக்க முடியும் என்று கூறப்படுகிறது.

சுமார் 400 ஆண்டுகள் பழமையான இந்த மரம் கேரளாவின் ஒரு முக்கிய இயற்கை பொக்கிஷமாக கருதப்படுகிறது. இதனை Kerala Forest Department மிகவும் பாதுகாப்பாக பராமரித்து வருகிறது.

சுமார் 100 ஆண்டுகளுக்கு முன்பு இந்த பகுதியில் இருந்த பல தேக்கு மரங்கள் வெட்டப்பட்டபோதும், இந்த மரத்தை மட்டும் வெட்டாமல் பாதுகாத்தனர். அதனால் இம்மரம் இன்றும் பெருமையுடன் நிற்கிறது.

இந்த மரத்திற்கு ஆண்டுதோறும் பூஜைகள் நடத்தப்படும் வழக்கமும் உள்ளது. அங்கு வாழும் மலைவாழ் பழங்குடி மக்கள் இந்த மரத்தை தெய்வமாகக் கருதி வழிபடுகின்றனர்.

இந்த கன்னிமரா தேக்கு மரம் சுமார் 48 மீட்டர் உயரம் கொண்டதாகும். இதன் மதிப்பு கோடிக்கணக்கான ரூபாயாக இருக்கலாம் என்று கருதப்படுகிறது.

மேலும், இந்த மரத்தின் பெருமையை கௌரவிக்கும் விதமாக Government of India தேசிய அளவிலான விருதையும் வழங்கியுள்ளது.

பரம்பிக்குளம் சுற்றுலாவிற்கு வரும் பயணிகள் பலரும் இங்கு வந்து கன்னிமரா தேக்கு மரத்தை பார்வையிட்டு அதன் அருகில் நின்று புகைப்படம் மற்றும் செல்ஃபி எடுத்து செல்வதை பார்க்க முடியும். 📸

பரம்பிக்குளம் அணை View Point

Parambikulam Tiger Reserve பகுதியில் நடைபெறும் வேன் சபாரியின் போது அடுத்ததாக வேன் நிற்கும் இடம் Parambikulam Dam View Point ஆகும். 🌄

இங்கிருந்து அந்த அணையின் அழகையும், அதை சுற்றியுள்ள அடர்ந்த காடுகளையும், அணையின் நடுவில் அமைந்துள்ள சிறிய சிறிய தீவுகளையும் நாம் ரசித்து பார்க்க முடியும். இயற்கை அழகால் சூழப்பட்ட இந்த இடம் சுற்றுலா பயணிகளை மிகவும் கவர்கிறது.

வேன் நிற்கும் ஒவ்வொரு இடங்களிலும் சுற்றுலா பயணிகள் தங்கள் பயணத்தின் இனிமையான தருணங்களை புகைப்படங்களாக பதிவு செய்வதை காண முடியும். 📸

இந்த அணை இந்தியாவின் கேரள மாநிலம் பாலக்காடு மாவட்டத்தில் மேற்குத் தொடர்ச்சி மலையில் ஓடும் பரம்பிக்குளம் ஆற்றின் குறுக்கே கட்டப்பட்டுள்ள தடுப்பு அணை ஆகும். இந்த அணை K. Kamaraj அவர்கள் தமிழக முதல்வராக இருந்த காலத்தில் கட்டப்பட்டது.

ஒரு காலத்தில் இந்த அணை மிக அதிக அளவு நீர் சேமிப்பு கொண்ட அணைகளில் இந்தியாவில் முக்கியமான இடத்தை பெற்றதாகவும், உலக அளவிலும் முன்னணி அணைகளில் ஒன்றாகக் கருதப்பட்டதாகவும் கூறப்படுகிறது.

படகு சவாரி

Parambikulam Dam பகுதியில் படகு சவாரி செய்யும் வசதியும் உள்ளது. 🚣

இங்கு பயன்படுத்தப்படும் படகுகள் மூங்கில்களால் செய்யப்பட்ட வித்தியாசமான வடிவமைப்புடையவை. இவை மிகவும் பாதுகாப்பானவை என்றும், மூழ்கும் வாய்ப்பு மிகக் குறைவாக இருக்கும் என்றும் கூறப்படுகிறது.

பரம்பிக்குளம் கிராமம்

அடுத்ததாக வேன் பரம்பிக்குளத்தில் உள்ள ஒரு சிறிய கிராமத்தில் நிறுத்தப்படுகிறது. இந்த இடத்தை அடைய சுமார் 3 மணிநேர வேன் சபாரி பயணம் மேற்கொள்ள வேண்டி இருக்கும்.

இந்த கிராமத்தில் சிறிய பெட்டி கடைகள், உணவகங்கள், டீ கடைகள் போன்ற வசதிகள் உள்ளன. ☕

இங்குள்ள உணவகங்களில் மலைவாழ் பழங்குடி மக்கள் சமைக்கும் பாரம்பரிய உணவுகளை சுற்றுலா பயணிகள் சுவைத்து பார்க்க முடியும்.

இது அந்த பகுதியின் உண்மையான வாழ்க்கை முறையையும் கலாச்சாரத்தையும் அறிய உதவும் ஒரு அனுபவமாக இருக்கும். 🌿🍲

பரம்பிக்குளத்தில் தங்கும் விடுதிகள்

Parambikulam Tiger Reserve பகுதியில் சுற்றுலா பயணிகள் தங்குவதற்கு பல்வேறு விதமான தங்கும் வசதிகள் உள்ளன. இயற்கையை நெருக்கமாக அனுபவிக்க விரும்புபவர்களுக்கு இந்த தங்கும் இடங்கள் மிகவும் வித்தியாசமான அனுபவத்தை வழங்குகின்றன. 🌿

அனி கோம் (Anai Kom)

பரம்பிக்குளத்தில் அனி கோம் என்று அழைக்கப்படும் தங்கும் விடுதி ஒன்று உள்ளது. குடும்பத்துடன் சுற்றுலா வருபவர்களுக்கு இந்த இடம் மிகவும் ஏற்றதாக இருக்கும்.

இந்த இடத்திலிருந்து தான் சுற்றுலா பயணிகளை ட்ரெக்கிங் (Trekking) அழைத்து செல்வார்கள். இயற்கை சூழலில் அமைந்துள்ளதால் இங்கு தங்குவது மிகவும் அமைதியான அனுபவமாக இருக்கும்.

மரவீடு (Tree House)

பரம்பிக்குளத்தில் தங்குவதற்கான மிகவும் சுவாரஸ்யமான அனுபவங்களில் ஒன்று மரவீடு ஆகும். 🌳

“பரம்பிக்குளம் போக தில் இருக்கா?” என்று கேட்கும் அளவுக்கு பயம் கலந்த இயற்கை சூழலில், காட்டின் நடுவே இருக்கும் மரவீட்டில் தங்குவது ஒரு தனி அனுபவமாக இருக்கும்.

நட்டநடு காடு…
முழுக்க அமைதி சூழ்ந்த சூழல்…
அதில் ஒரு மரவீடு…
அதற்குள் நான்…

என்று சொல்லும் அளவுக்கு இது ஒரு திகிலும், மகிழ்ச்சியும் கலந்த அனுபவம். இங்கு தங்கும் போது காட்டின் ஒலி, இரவு நேர அமைதி போன்றவை விலங்குகளின் உலகத்தில் நாமும் இருப்பது போன்ற உணர்வை தரும்.

பெளர்ணமி இரவில் பரம்பிக்குளம் தீவு

Parambikulam Dam அணைக்குள் ஒரு சிறிய தீவு உள்ளது. இந்த தீவில் தங்குவதற்கு முன்பதிவு செய்து வனத்துறையின் அனுமதி பெற வேண்டும்.

இந்த தீவில் உள்ள பங்களாவில் தங்கும் போது

நம்முடன் ஒரு வழிகாட்டி (Guide)
ஒரு சமையல்காரர்

இருப்பார்கள்.

இந்த பங்களாவில் மின்சார வசதி கிடையாது. குறிப்பாக பெளர்ணமி இரவில் நிலவொளியில் தீவின் கரையில் அமர்ந்து நேரத்தை கழிப்பது மறக்க முடியாத அனுபவமாக இருக்கும். 🔥🌕

தீவிற்கு செல்ல மோட்டார் படகில் சுற்றுலா பயணிகளை அழைத்து செல்வார்கள். இந்த அனுபவம் இயற்கையுடன் ஒன்றிணைந்து வாழும் ஒரு சிறந்த நினைவாக இருக்கும்.

Parambikulam Tiger Reserve என்ற பெயருக்கேற்றார் போல இங்குள்ள அடர்ந்த காட்டுப் பகுதிகளில் புலிகள் அதிகமாக வாழ்ந்து வருகின்றன. வனத்துறையின் தகவல்படி, இந்த சரணாலயத்தில் சுமார் 40 முதல் 42 வரை புலிகள் இருப்பதாக கூறப்படுகிறது. 🐅

அடர்ந்த காடுகள், நீர்நிலைகள் மற்றும் போதுமான உணவுச்சூழல் ஆகியவை இருப்பதால் புலிகள் வாழ்வதற்கு இந்த பகுதி மிகவும் ஏற்றதாக உள்ளது.

அதனால் தான் இந்த பகுதி புலிகள் சரணாலயம் (Tiger Reserve) என்று அறிவிக்கப்பட்டுள்ளது.

மேலும் இங்கு புலிகள் மட்டுமல்லாமல் யானைகள், மான்கள், காட்டெருமைகள், காட்டு பன்றிகள், பல்வேறு பறவைகள் மற்றும் அரிய வகை விலங்குகள் ஆகியவை இயற்கை சூழலில் வாழ்ந்து வருகின்றன. 🌿

இவ்வாறான வளமான வனவிலங்கு சூழலை பாதுகாக்க Kerala Forest Department மிகுந்த கவனத்துடன் இந்த வனப்பகுதியை பராமரித்து வருகிறது.

போட்டிகள், பொறாமைகள் நிறைந்த நகர வாழ்க்கையை பார்த்து சலித்த நமக்கு, இயற்கையின் மத்தியில் அமைந்துள்ள Parambikulam Tiger Reserve ஒரு புதுமையான அனுபவத்தை வழங்குகிறது. 🌿

மலைவாழ் மக்களின் எளிய வாழ்க்கை, அடர்ந்த காடுகள், அணைகள், அரிய வனவிலங்குகள், இரவு நேரத்தில் கேட்கும் விலங்குகளின் சத்தம் ஆகிய அனைத்தும் சேர்ந்து இங்கு ஒரு வித்தியாசமான சூழலை உருவாக்குகின்றன.

குறிப்பாக காட்டின் நடுவே, மின்சாரம் இல்லாத ஒரு தனித்தீவில் ஒரு நாள் இரவு தங்கும் அனுபவம் சற்று திகிலாக இருந்தாலும் மறக்க முடியாத நினைவாக மாறுகிறது. 🌙🔥

அதனால் தான் Parambikulam Tiger Reserve சுற்றுலாவை சாகசப் பிரியர்களின் திரில் நிறைந்த சுற்றுலா என்று கூறுகின்றனர்.

ஒருமுறை இந்த இடத்திற்கு சென்றவர்கள், “இந்த பயணம் மீண்டும் தொடராதா?” என்று எண்ணும் அளவிற்கு மனதில் நீங்கா நினைவுகளை பரம்பிக்குளம் நமக்கு வழங்குகிறது

Post Views: 37