தமிழ்நாட்டில் இயற்கை அழகும் அமைதியும் நிறைந்த மலைப்பகுதிகளை பற்றி பேசும்போது முதலில் நினைவிற்கு வரக்கூடிய இடங்களில் ஒன்று வால்பாறை. மேற்கு தொடர்ச்சி மலைத்தொடரின் மடியில் அமைந்துள்ள இந்த அழகிய மலைநகரம், பசுமையான தேயிலைத் தோட்டங்கள், அடர்ந்த காடுகள், அருவிகள், அணைகள் மற்றும் குளிர்ச்சியான காலநிலை ஆகியவற்றால் சுற்றுலாப் பயணிகளை ஈர்க்கிறது.

கடல் மட்டத்திலிருந்து சுமார் 3500 அடி உயரத்தில் அமைந்துள்ள வால்பாறை, பலர் இந்த இடத்தை “தமிழ்நாட்டின் ஏழாவது சொர்க்கம்” என்று அழைக்கிறார்கள்.

இங்கு பயணம் செய்வது இயற்கையுடன் நேரம் செலவிட விரும்புபவர்களுக்கு ஒரு மறக்க முடியாத அனுபவமாக இருக்கும். குறிப்பாக வால்பாறைக்கு செல்லும் வழியில் உள்ள 40 கொண்டைஊசி வளைவுகள் இந்த பயணத்தின் மிகப்பெரிய சிறப்பாகும்.

வால்பாறை எங்கு உள்ளது?

Valparai தமிழ்நாட்டின் அழகான மலைப்பகுதிகளில் ஒன்றாகும். இது Coimbatore மாவட்டத்தில், Western Ghats மலைத்தொடரின் ஒரு பகுதியில் அமைந்துள்ளது. இந்த பகுதி முழுவதும் பசுமையான தேயிலைத் தோட்டங்களாலும் இயற்கை அழகாலும் சூழப்பட்டுள்ளது.

வால்பாறை இயற்கை விரும்பிகளுக்கும் சுற்றுலா பயணிகளுக்கும் மிகவும் பிடித்த இடமாக கருதப்படுகிறது.

• Coimbatore இலிருந்து வால்பாறை – 102 கிலோமீட்டர்

• Pollachi இலிருந்து வால்பாறை – 65 கிலோமீட்டர்

வால்பாறைக்கு செல்ல முதலில் கோயம்பத்தூர் அல்லது பொள்ளாச்சி நகரங்களுக்கு வர வேண்டும்.

கோயம்பத்தூர் மற்றும் பொள்ளாச்சிக்கு நேரடி ரயில் (Train) வசதி உள்ளது. அந்த நகரங்களில் இருந்து வால்பாறைக்கு பேருந்து வசதியும் கிடைக்கிறது.

ஆனால் பேருந்தில் பயணம் செய்தால் வழியில் உள்ள பல அழகான சுற்றுலா இடங்களை பார்க்க முடியாமல் போகலாம்.

வால்பாறை மலைப்பாதையில் பல அழகான இயற்கைக் காட்சிகள் இருப்பதால்,

• இருசக்கர வாகனம் (Bike)

• கார்  போன்ற சொந்த வாகனங்களில் செல்லுவது மிகவும் சிறந்ததாக இருக்கும். அப்படி சென்றால் வழியில் உள்ள அனைத்து சுற்றுலா இடங்களையும் நிதானமாக பார்த்து ரசிக்க முடியும்.

Valparai செல்லும் பயணம் தொடங்கும் தருணத்திலிருந்தே இயற்கையின் அழகு நம்மை கவர ஆரம்பித்து விடுகிறது.

Pollachi இலிருந்து வால்பாறை நோக்கி செல்லும் பாதை மிகவும் அழகானது. சாலையின் இருபுறமும் நீண்ட வரிசையாக நிற்கும் தென்னை மரங்கள், பசுமையான வயல்கள் ஆகியவற்றைக் கடந்து செல்லும் அந்த பயணம் ஒரு தனி அனுபவமாக இருக்கும்.

அந்த பாதையில் பயணித்து கொண்டிருக்கும்போது, நம்மை வரவேற்கும் அழகான ஒரு பாலம் கண்களுக்கு பட்டுவிடும்.

அது Aliyar Dam அணையிலிருந்து வெளியேறும் நீரின் மீது கட்டப்பட்டுள்ள அழகான பாலமாகும். அந்த பாலத்தை கடக்கும் போது சுற்றியுள்ள மலைகளும், அணையிலிருந்து பாயும் நீரும் சேர்ந்து உருவாக்கும் காட்சி உண்மையிலேயே கண்களுக்கு விருந்தாக இருக்கும்.

ஆழியார் அணை

Aliyar Dam வால்பாறை செல்லும் வழியில் காணக்கூடிய முக்கியமான சுற்றுலா தலங்களில் ஒன்றாகும்.

“ஆழி” என்ற சொல்லுக்கு கடல் என்று பொருள். கடலைப் போல ஆழமாகவும் பரந்தும் ஓடும் ஆறு என்பதால் இந்த ஆறு ஆழியாறு என அழைக்கப்படுகிறது.

Pollachi இலிருந்து சுமார் 27 கிலோமீட்டர் தொலைவில், Anamalai Hills மலை அடிவாரத்தில் இந்த அணை அமைந்துள்ளது.

Aliyar Dam 1959 முதல் 1969 வரை ஆழியார் ஆற்றின் குறுக்கே கட்டப்பட்டது.

இந்த அணையின் முக்கிய நோக்கங்கள்:

• விவசாய நிலங்களுக்கு நீர்ப்பாசனம் வழங்குவது

• மின்சாரம் உற்பத்தி செய்வது

இந்த அணை சுற்றுலா பயணிகளுக்கும் மிகவும் பிரபலமான இடமாகும். பல தமிழ் திரைப்படங்களும் இங்கு படமாக்கப்பட்டுள்ளன.

அணைக்குள் செல்ல நுழைவு கட்டணம் செலுத்த வேண்டும். உள்ளே சென்ற பிறகு குழந்தைகள் முதல் பெரியவர்கள் வரை மகிழ்ச்சியாக நேரம் செலவிடும் வகையில் அழகாக பராமரிக்கப்பட்ட பூங்கா அமைக்கப்பட்டுள்ளது.

அங்கு உள்ள வசதிகள்:

• குழந்தைகள் விளையாட விளையாட்டு திடல்

• விளையாட்டு நீரூற்றுகள்

• படகு சவாரி

இந்த வசதிகள் குடும்பத்துடன் வரும் பயணிகளுக்கு ஒரு சிறந்த பொழுதுபோக்கு அனுபவத்தை வழங்குகின்றன.

அணையின் மீது நடந்து செல்லும் போது சுற்றியுள்ள இயற்கையின் அழகு மனதை கவர்ந்து விடும். ஒரு பக்கம் உயர்ந்து நிற்கும் மலைகளின் பசுமையும், மற்றொரு பக்கம் அணையின் அடிவாரத்தில் பரந்து விரிந்த நீரின் அழகும் சேர்ந்து காணப்படும் அந்தக் காட்சி உண்மையிலேயே கண்கொள்ளாக் காட்சியாக இருக்கும்.

Aliyar Dam அணையின் வெளிப்புறத்தில் பல சிறிய கடைகளும் உள்ளன. அங்கு பயணிகள் விரும்பிய உணவுகள் மற்றும் சிற்றுண்டிகளை வாங்கி சுவைத்து, சிறிது நேரம் அமைதியாக அமர்ந்து இயற்கை அழகை ரசிக்கலாம். அதனால் இந்த இடம் சுற்றுலா பயணிகள் ஓய்வெடுத்து நேரம் செலவிட சிறந்த இடமாகவும் விளங்குகிறது.

கட்டாயம் e-Pass

 

Valparai செல்லும் பயணிகள் முன்பே e-Pass பதிவு செய்து கொள்ள வேண்டும். e-Pass இருந்தால்தான் சோதனைச் சாவடியில் (Check Post) பயணிகளுக்கு அனுமதி வழங்கப்படுகிறது.

Aliyar Dam அணையிலிருந்து சிறிது தூரம் பயணித்தால் இந்த சோதனைச் சாவடியை அடைந்து விடலாம்.

அங்கு பயணிகள் வழங்க வேண்டிய தகவல்கள்:

• நாம் செல்லும் வாகனத்தின் விவரம்

• எத்தனை நபர்கள் பயணம் செய்கிறார்கள் என்ற தகவல்

இந்த விவரங்களுடன் e-Pass சரிபார்க்கப்பட்ட பிறகே வால்பாறை செல்ல அனுமதி வழங்கப்படுகிறது.

அதனால் வால்பாறைக்கு பயணம் செய்யும் முன் e-Pass பதிவு செய்து வைத்திருப்பது மிகவும் அவசியம்.

கவி அருவி

Kavi Aruvi (Monkey Falls) வால்பாறை செல்லும் வழியில் காணக்கூடிய அழகான இயற்கை அருவிகளில் ஒன்றாகும்.

இந்த அருவி Aliyar Dam அணையிலிருந்து சுமார் 5 கிலோமீட்டர் தொலைவில், மலை அடிவாரத்தில் அமைந்துள்ளது. ஆழியார் அணையின் பக்கவாட்டில் சிறிது தூரம் பயணம் செய்தால் இந்த அருவியை அடைந்து விடலாம்.

ஆரம்ப காலத்தில் இந்த அருவி “Monkey Falls” என்று அழைக்கப்பட்டது. தற்போது Tamil Nadu Forest Department இந்த அருவிக்கு “கவி அருவி” என்று பெயர் மாற்றம் செய்துள்ளது.

• இங்கு செல்ல நுழைவு கட்டணம் வசூலிக்கப்படுகிறது.

• பிளாஸ்டிக் பொருட்கள் பயன்படுத்துவது தடைசெய்யப்பட்டுள்ளது.

ஜூன் மாதம் முதல் ஜனவரி மாதம் வரை இந்த அருவியில் நீர்வரத்து அதிகமாக இருக்கும். அந்த காலத்தில் அருவி மிகவும் அழகாக காணப்படும்.

இந்த இடத்தில் குரங்குகளை அதிகமாக காணலாம். அதனால் பயணிகள் உணவு பொருட்களை கவனமாக வைத்துக் கொள்ள வேண்டும்.

Kavi Aruvi (Monkey Falls) குடும்பத்தினருடன் மற்றும் நண்பர்களுடன் வந்து குளித்து மகிழ சிறந்த இடமாக உள்ளது.

மேலும் Tamil Nadu Forest Department அனுமதியுடன் சில பகுதிகளில் மலையேற்றம் (Trekking) செல்லவும் வாய்ப்பு உள்ளது.

இந்த அருவி இயற்கையின் அழகையும், மலைப்பகுதியின் குளிர்ச்சியான சூழலையும் அனுபவிக்க உதவும் ஒரு அழகான சுற்றுலா தலமாக விளங்குகிறது.

40 கொண்டை ஊசி வளைவுகள்

Valparai செல்லும் மலைப்பாதையின் முக்கியமான அனுபவங்களில் ஒன்று இந்த 40 கொண்டை ஊசி வளைவுகள் (Hairpin Bends) ஆகும்.

Kavi Aruvi (Monkey Falls) அருவியை பார்த்து முடித்த பிறகு மலைப்பாதை ஆரம்பமாகிறது. அங்கிருந்து வால்பாறை நோக்கி செல்லும் சாலையில் இந்த 40 கொண்டை ஊசி வளைவுகள் அமைந்துள்ளன.

இந்த வளைவுகள் காரணமாகவே பல இருசக்கர வாகன ஓட்டிகள் இந்த இடத்தை மிகவும் விரும்பி தேர்வு செய்கிறார்கள். மலைப்பாதையில் வாகனம் ஓட்டும் அனுபவம் அவர்களுக்கு ஒரு தனி சுவாரஸ்யமாக இருக்கும்.

40 வளைவுகளுக்கும் பறவைகள் மற்றும் விலங்குகளின் அழகிய தமிழ் பெயர்கள் சூட்டப்பட்டுள்ளன. உதாரணமாக:

பனங்காடை, பெரிய இருவாட்சி, காட்டுப் பஞ்சுருட்டான் போன்ற பெயர்கள் ஒவ்வொரு வளைவுக்கும் வைக்கப்பட்டுள்ளன.

இந்த பாதை குறுகியதும் செங்குத்தானதும் என்பதால் அனுபவம் வாய்ந்த வாகன ஓட்டிகள் மட்டுமே கவனமாக வாகனம் ஓட்ட வேண்டும்.

Loam’s View Point வால்பாறை மலைப்பாதையில் உள்ள முக்கியமான பார்வை மையங்களில் ஒன்றாகும்.

40 கொண்டை ஊசி வளைவுகளில் 9-வது வளைவில் இந்த அழகான பார்வை மையம் அமைந்துள்ளது. இந்த இடத்திலிருந்து கீழே பரந்து விரிந்த இயற்கைக் காட்சிகளை தெளிவாகக் காண முடியும்.

Aliyar Dam அணையின் அழகு பரந்து விரிந்த தென்னை மரத் தோப்புகள், அடர்ந்த மேற்கு தொடர்ச்சி மலைக் காடுகள் போன்ற இயற்கைக் காட்சிகள் கண்கொள்ளாக் காட்சியாக தெரியும்.

Anamalai Hills மலைப்பகுதி இயற்கை வளமிக்க காடுகளால் சூழப்பட்டிருப்பதால், இந்த பாதையில் பயணம் செய்யும் போது சில விலங்குகளையும் பார்க்கும் வாய்ப்பு கிடைக்கும்.

அவற்றில் முக்கியமாக: Nilgiri Tahr, Lion-tailed Macaque, Asian Elephant போன்ற விலங்குகளை சில நேரங்களில் பார்க்க முடியும்.

Water Falls:

Valparai செல்லும் கொண்டை ஊசி வளைவுகள் பயணத்தின் நடுவே காணக்கூடிய அழகான இடங்களில் ஒன்று இந்த Water Falls ஆகும்.

இந்த அருவி பசுமையான தேயிலைத் தோட்டங்களின் நடுவே அமைந்துள்ளது. மலைப்பகுதியின் அமைதியான சூழலில் கீழே விழும் நீரின் ஓசையுடன் அந்த அருவியின் காட்சி மிகவும் அழகாக இருக்கும்.

இங்கு பயணிகள் அருவியில் குளிக்க அனுமதி இல்லை. ஆனால் அந்த இடத்தில் நின்று அருவியின் இயற்கை அழகை அமைதியாக பார்த்து ரசிக்கலாம்.

இந்த அருவியின் அருகில் ஒரு சிறிய டீ கடை உள்ளது. டீ குடிக்கும் பழக்கம் இல்லாதவர்களுக்குக் கூட, அந்த குளிர்ந்த மலை சூழலில் அருவியின் அழகை ரசித்துக் கொண்டே ஒரு கப் டீ குடிக்க வேண்டும் என்ற ஆசை தானாகவே ஏற்படும்.

வாட்டர் ஃபால் டீ எஸ்டேட்

Valparai செல்லும் மலைப்பாதையில் காணப்படும் மிக அழகான காட்சிகளில் ஒன்று இந்த Water Fall Tea Estate பகுதி ஆகும்.

கண்ணுக்கெட்டிய தூரம் வரை பரந்து விரிந்த பசுமையான தேயிலைத் தோட்டங்கள், அதன் நடுவே செல்லும் சிறிய பாதைகள் – இந்த இயற்கை அழகைக் காணும் போது “இங்கேயே இருந்துவிட வேண்டும்” என்ற எண்ணம் பலருக்கும் தோன்றும்.

இந்த இடத்தில் பயணிகள் பலரும் வாகனத்தை நிறுத்தி புகைப்படங்கள் எடுத்து நினைவுகளை பதிவு செய்வதை பார்க்க முடியும். புகைப்படம் எடுக்காதவர்களுக்குக் கூட அந்த பசுமையான சூழலை ரசிக்க சில நிமிடங்கள் நின்று செல்ல வேண்டும் என்ற உணர்வு ஏற்படும்.

மலைப்பாதையில் செல்லும் போது பல இடங்களில் சிறிய கடைகள் காணப்படும். அங்கு சூடான டீ, காபி, மேகி போன்றவற்றை சுவைக்கலாம்.

குளிர்ந்த தேயிலைத் தோட்டங்களின் நடுவே அமர்ந்து இவற்றை சுவைக்கும் அந்த தருணம், பயணிகளின் மனதில் நீண்ட காலம் மறக்க முடியாத நினைவாக பதிந்து விடும்.

தலனார் பார்வை மையம்

Talnar View Point வால்பாறை செல்லும் வழியில் காணக்கூடிய அழகான பார்வை மையங்களில் ஒன்றாகும்.

Pollachi இலிருந்து வால்பாறை செல்லும் மலைப்பாதையில் இந்த பார்வை மையம் அமைந்துள்ளது. இந்த இடத்திற்குச் செல்ல முதலில் சோதனைச் சாவடியில் அனுமதி பெற வேண்டும். நுழைவு கட்டணம் செலுத்தி அனுமதி சீட்டை வாங்கிக் கொண்டு பார்வை மையத்தை நோக்கி பயணிக்கலாம்.

Nallamudi View Point (Talnar Snow Point) பார்வை மையத்தில் நின்று சுற்றி பார்த்தால், ஓவியம் வரைந்தது போல ஒரு அழகான இயற்கைக் காட்சி கண்களுக்கு விருந்தாக இருக்கும்.

அங்கு இருந்து மெதுவாக நகரும் மேகக் கூட்டங்கள், பரந்து விரிந்த Anamalai Hills மலைகளின் காட்சி போன்றவற்றை தெளிவாகக் காண முடியும்.

இந்த இடம் “Talnar Snow Point” என்றும் அழைக்கப்படுகிறது. காரணம், அதிகாலை நேரங்களில் இந்த பகுதி முழுவதும் பனிமூட்டத்தால் சூழப்பட்டிருக்கும். அந்த நேரத்தில் இங்கு காணப்படும் காட்சி மிகவும் மாயமானதும் அழகானதுமானதாக இருக்கும்.

தங்கும் விடுதிகள்

இயற்கை அன்னையின் அரவணைப்பில் இரண்டு நாட்கள் அமைதியாகக் கழிக்க விரும்புவோருக்கு Valparai மற்றும் Athirappilly Waterfalls சிறந்த சுற்றுலா தலங்களாகும். வால்பாறை நகரம் பெரும்பாலும் தேயிலைத் தோட்டங்களை மையமாகக் கொண்டு வளர்ந்த நகரம் ஆகும்

இந்த பகுதிகளில் இயற்கையின் அழகை நிதானமாக ரசித்து, மனதிற்கு புத்துணர்ச்சி அளிக்கும் ஒரு அனுபவத்தை பெறலாம்.

தங்கும் வசதிகளைப் பொறுத்தவரை, வால்பாறையில் பல வகையான இடங்கள் கிடைக்கின்றன.

பயணிகள் தங்களுடைய வசதிக்கும் செலவுக்கும் ஏற்ப Cottage, Home Stay, Hotel போன்ற தங்கும் விடுதிகளைத் தேர்ந்தெடுத்து தங்கலாம்.

தேயிலைத் தோட்டங்களுக்கு நடுவே அமைந்துள்ள சில குடில்கள் மற்றும் ஹோம் ஸ்டேக்களில் தங்கும்போது, இயற்கைக்கு மிகவும் அருகில் இருப்பது போன்ற ஒரு இனிய அனுபவத்தை பெற முடியும்.

கூழாங்கல் ஆறு

Koolangal River (Koolangal Aaru) வால்பாறை நகரத்திலிருந்து சுமார் 2 கிலோமீட்டர் தொலைவில், தேயிலைத் தோட்டங்களின் நடுவே அமைந்துள்ள அழகான இயற்கை இடமாகும்.

இந்த ஆற்றில் கூழாங்கற்கள் (சிறிய உருண்டையான கற்கள்) அதிகமாக காணப்படுவதால் இதற்கு கூழாங்கல் ஆறு என்ற பெயர் ஏற்பட்டுள்ளது.

இந்த ஆற்றின் சிறப்பம்சம் என்னவென்றால், பெரும்பாலான இடங்களில் நீர் ஆழம் மிகவும் குறைவாக இருக்கும். பொதுவாக நீர் முழங்கால் அளவு அல்லது அதற்கும் குறைவாகவே காணப்படும். அதனால் குழந்தைகள் முதல் பெரியவர்கள் வரை அனைவரும் பயமின்றி நீரில் இறங்கி விளையாடி மகிழலாம்.

பாறைகளுக்கிடையே பாயும் இந்த ஆற்றின் நீர் மிகவும் தெளிவாகவும் சுத்தமாகவும் இருக்கும். இயற்கையை ரசிக்கவும், சிறிது நேரம் அமைதியாகக் கழிக்கவும் இது ஒரு சிறந்த இடமாகும்.

ஆனால் மழைக்காலங்களில் ஆற்றின் நீர்மட்டம் திடீரென அதிகரிக்கும் வாய்ப்பு இருப்பதால், அந்த நேரங்களில் ஆற்றில் இறங்கி குளிப்பதை தவிர்ப்பது பாதுகாப்பானது.

இந்த இடத்தின் அருகில் பல சிறிய கடைகள் இருப்பதால், பயணிகள் விரும்பிய உணவுப் பொருட்களை வாங்கி சுவைத்து சிறிது நேரம் ஓய்வெடுக்கலாம்.

மேலும், ஆற்றின் மறுபுறம் சுழல் நீர் இருப்பதாக கூறப்படுவதால் அந்த பகுதி பாதுகாப்பு காரணங்களுக்காக தடை செய்யப்பட்டுள்ளதாக அறிவிக்கப்பட்டுள்ளது.

எனவே, இயற்கையை ரசிக்கும் போது பாதுகாப்பை கவனித்து சுற்றுலா செல்லுவது மிகவும் அவசியம்.

நல்லமுடி பூஞ்சோலை பார்வை மையம்

Nallamudi Pooncholai View Point வால்பாறை நகரிலிருந்து சுமார் 15 கிலோமீட்டர் தொலைவில், கடல் மட்டத்திலிருந்து சுமார் 1200 மீட்டர் உயரத்தில் அமைந்துள்ள அழகான பார்வை மையமாகும்.

இந்த இடம் நல்லமுடி பூஞ்சோலை காட்சி முனையம் அல்லது நல்லமுடி காட்சி முனையம் என்றும் அழைக்கப்படுகிறது. இங்கிருந்து பார்க்கும் போது பரந்து விரிந்த பள்ளத்தாக்குகளும் பசுமையான மலைகளும் கண்களுக்கு விருந்தாக தெரியும்.

இந்த பள்ளத்தாக்கு Tamil Nadu மற்றும் Kerala ஆகிய மாநிலங்களின் இயற்கை எல்லையாகவும் செயல்படுகிறது.

இங்கு செல்ல நுழைவு கட்டணம் வசூலிக்கப்படுகிறது. மேலும், இந்த இடம் ஒரு தனியார் தேயிலைத் தோட்டத்தின் உள்ளே அமைந்துள்ளது.

பார்வை மையத்தை அடைய, முதலில் வாகனத்தை ஒரு குறிப்பிட்ட இடத்தில் நிறுத்தி விட்டு, சுமார் 1 கிலோமீட்டர் தூரம் தேயிலைத் தோட்டங்களுக்கு நடுவே நடைப்பயணம் மேற்கொள்ள வேண்டும்.

இந்த நடைப்பயணம் மிகவும் இனிமையான அனுபவமாக இருக்கும். குளிர்ந்த காற்று, சுற்றியுள்ள பசுமையான தேயிலைத் தோட்டங்கள், அமைதியான சூழல் ஆகியவை பயணிகளுக்கு ஒரு புத்துணர்ச்சி தரும் இயற்கை அனுபவத்தை வழங்குகின்றன.

சின்னக்கல்லாறு அருவி

Chinna Kallar Falls வால்பாறை நகரத்திலிருந்து சுமார் 18 கிலோமீட்டர் தொலைவில் அமைந்துள்ள அழகிய இயற்கை அருவியாகும்.

இந்த பகுதி அதிகமான மழைப்பொழிவு பெறும் இடமாக இருப்பதால், இதனை தென்னிந்தியாவின் சிரபுஞ்சி என்று செல்லமாக அழைக்கின்றனர். Cherrapunji இந்தியாவில் மிக அதிக மழை பெய்யும் இடங்களில் ஒன்றாக இருப்பது போல, சின்னக்கல்லாறும் வால்பாறை பகுதியில் அதிக மழைபெறும் இடமாக அறியப்படுகிறது.

அருவியை அடைய சிறிது தூரம் காட்டுப் பாதையில் நடைப்பயணம் மேற்கொள்ள வேண்டும். அந்த வழியில் ஒரு தொங்கும் பாலம் வழியாக நடந்து செல்வது பயணிகளுக்கு ஒரு தனித்துவமான அனுபவமாக இருக்கும்.

அடர்ந்த காடுகளும், பசுமையான சூழலும் சூழ்ந்த இந்த இடம் இயற்கையை நேசிப்பவர்களுக்கு மிகவும் பிடித்தமானதாக இருக்கும்.

ஆனால் மழைக்காலங்களில் இங்கு அட்டைப்பூச்சிகள் (Leeches) அதிகமாக காணப்படும். அதனால் அந்த நேரங்களில் செல்லும் போது கவனமாக இருக்க வேண்டும்.

பாலாஜி கோவில்

Balaji Temple Valparai வால்பாறை நகரத்திலிருந்து சுமார் 10 கிலோமீட்டர் தொலைவில் அமைந்துள்ளது. இந்த கோவில் பொதுவாக “வால்பாறையின் திருப்பதி” என்று அழைக்கப்படுகிறது.

தேயிலைத் தோட்டங்களுக்கு நடுவே ஒரு சிறிய குன்றின் மீது அமைந்துள்ள இந்த கோவிலில், வெங்கடேஸ்வரர் அல்லது விஷ்ணு அல்லது பாலாஜி என பல பெயர்களில் பக்தர்கள் இறைவனை அழைக்கின்றனர்.

கோவிலுக்கு செல்லும் பாதை சற்று செங்குத்தாக இருப்பதால், வாகனங்களை பொதுவாக அடிவாரத்தில் நிறுத்திவிட்டு சுமார் 1 கிலோமீட்டர் தூரம் நடைப்பயணம் செய்து மேலே செல்ல வேண்டும்.

இந்த நடைப்பயணத்தின் போது தேயிலைத் தோட்டங்களின் நடுவே செல்லும் பாதை பயணிகளுக்கு ஒரு இனிய அனுபவமாக இருக்கும்.

சோலையார் அணை

Sholayar Dam வால்பாறை நகரத்திலிருந்து சுமார் 20 கிலோமீட்டர் தொலைவில் அமைந்துள்ள முக்கிய சுற்றுலா இடமாகும். இது ஆசியாவின் இரண்டாவது ஆழமான அணைகளில் ஒன்றாக குறிப்பிடப்படுகிறது.

இந்த அணை Parambikulam–Aliyar Project (பரம்பிக்குளம்–ஆழியாறு திட்டம்) கீழ் அமைந்துள்ள முக்கியமான நீர்த்தேக்கங்களில் ஒன்றாகும்.

வால்பாறை சுற்றுலாவின் முக்கிய அடையாளங்களில் ஒன்றாக விளங்கும் இந்த அணையிலிருந்து பார்க்கும் போது, பசுமையான தேயிலைத் தோட்டங்களும், பரந்து விரிந்த நீர்த்தேக்கத்தின் அழகும் கண்ணுக்கெட்டிய தூரம் வரை விரிந்திருக்கும்.

அணையின் மறுபுறம் ஒரு அழகாக பராமரிக்கப்பட்ட பூங்காவும் உள்ளது. மாலை நேரங்களில் மேகக் கூட்டங்கள் அணையை தழுவி நகரும் காட்சி பார்ப்பவர்களின் மனதை கவரும் அளவுக்கு அழகாக இருக்கும்.

சோலையார் அணை மேல் சோலையார் (Upper Sholayar) மற்றும் கீழ் சோலையார் (Lower Sholayar) என இரண்டு பகுதிகளைக் கொண்டதாகும்.

பெரும்பாலான பயணிகள் Valparai மற்றும் Athirappilly Waterfalls ஆகிய இடங்களை இரண்டு நாள் சுற்றுலாவாக தேர்ந்தெடுக்கின்றனர்.

முதல்நாளில் வால்பாறை சுற்றுலா இடங்களை பார்த்துவிட்டு, அடுத்த நாள் சுமார் இரண்டு மணி நேரம் அடர்ந்த காடுகள் வழியாக பயணம் செய்து அதிரப்பள்ளி நீர்வீழ்ச்சியை அடையலாம்.

இந்த காட்டு பாதை பயணத்தில் சில நேரங்களில் காட்டு யானைகள் போன்ற விலங்குகளையும் காணும் வாய்ப்பு இருக்கும். அதனால் இந்த பயணம் பயணிகளுக்கு ஒரு சாகச அனுபவமாகவும் இயற்கை அனுபவமாகவும் மாறிவிடும்.

அதிரப்பள்ளி நீர்வீழ்ச்சி

Athirappilly Waterfalls அடர்ந்த காட்டு பாதையில் சுமார் இரண்டு மணி நேர பயணம் செய்த பிறகு நாம் அடையும் பிரமாண்டமான இயற்கை அழகுகளில் ஒன்றாகும்.

நுழைவு கட்டணம் செலுத்தி உள்ளே சென்றால், முதலில் இந்த நீர்வீழ்ச்சியை மேலிருந்து பார்வையிடும் வசதி உள்ளது. இந்த இடம் பொதுவாக காலை 6 மணி முதல் மாலை 6 மணி வரை சுற்றுலாப் பயணிகளுக்கு திறந்திருக்கும்.

அதிரப்பள்ளி நீர்வீழ்ச்சி Kerala மாநிலத்தின் Thrissur மாவட்டத்தில் உள்ள அதிரப்பள்ளி பஞ்சாயத்தில், Chalakudy River மீது அமைந்துள்ள மிகவும் புகழ்பெற்ற நீர்வீழ்ச்சியாகும்.

சுமார் 82 அடி உயரமும், 100 மீட்டர் அகலமும் கொண்ட இந்த நீர்வீழ்ச்சி கேரளாவின் மிகப்பெரிய நீர்வீழ்ச்சிகளில் ஒன்றாகும்.

பல திரைப்படங்கள் இங்கு படமாக்கப்பட்டுள்ளதால், சிலர் இதனை “புன்னகை மன்னன் நீர்வீழ்ச்சி” என்றும் அழைக்கின்றனர். அதற்கு காரணம் Punnagai Mannan திரைப்படத்தின் முக்கிய காட்சிகள் இங்கு படமாக்கப்பட்டதுதான்.

இந்த நீர்வீழ்ச்சி மேலிருந்து நான்கு பிரிவுகளாகப் பிரிந்து பெரும் ஆரவாரத்துடன் கீழே விழும் காட்சி மிகவும் அழகாகவும், இயற்கையின் வல்லமையை உணர்த்தும் வகையிலும் இருக்கும். அந்த நீர்த்துளிகள் காற்றில் பறந்து சுற்றியுள்ள பசுமையுடன் கலந்து காணப்படும் காட்சி பார்ப்பவர்களுக்கு மறக்க முடியாத அனுபவத்தை அளிக்கும்.

அமைதியையும் இயற்கையையும் விரும்புபவர்கள் தேர்ந்தெடுக்கும் இடமாக Valparai திகழ்கிறது. பரந்து விரிந்த தேயிலைத் தோட்டங்களின் பசுமை, இயற்கையின் அமைதி மற்றும் மலைகளின் அழகு ஆகியவை இந்த இடத்தை ஒரு தனித்துவமான சுற்றுலாத் தலமாக மாற்றுகின்றன.

இங்கு காணக்கூடிய முக்கிய இடங்களாக Koolangal River (Koolangal Aaru) என்ற கண்ணாடிபோல் தெளிந்த நீர் கொண்ட ஆறு, Kavi Aruvi (Monkey Falls) என்ற அழகிய அருவி, புகைப்பட விரும்பிகள் விரும்பி செல்லும் Nallamudi View Point (Talnar Snow Point) மற்றும் Nallamudi Pooncholai View Point போன்ற பார்வை மையங்கள் உள்ளன.

மேலும் தென்னிந்தியாவின் சிரபுஞ்சி என்று அழைக்கப்படும் Chinna Kallar Falls, “வால்பாறையின் திருப்பதி” என அழைக்கப்படும் Balaji Temple Valparai, மலைகளுக்கும் தேயிலைத் தோட்டங்களுக்கும் நடுவே அமைந்துள்ள Sholayar Dam போன்ற இடங்களும் சுற்றுலாப் பயணிகளை கவர்கின்றன.

இந்த பயணத்தின் இறுதியில், கேரளாவின் “நயாகரா” என்று அழைக்கப்படும் Athirappilly Waterfalls நீர்வீழ்ச்சியை காணும் அனுபவம் இந்த சுற்றுலாவை இன்னும் சிறப்பாக மாற்றுகிறது.

மொத்தத்தில், இயற்கை அழகும் அமைதியும் சாகச அனுபவமும் ஒன்றாகக் கலந்த ஒரு மறக்க முடியாத பயணத்தை வால்பாறை நமக்கு வழங்குகிறது.